Sur-walc’h ma laromp deoc’h deiziad an 12 a viz Kerzu 1999 e ouiay lod mat ac’hanoc’h a petra zo kaoz. Peñse an Erika e oa, hag al lañv du spontus, en doe merket speredoù ar boblañs e Breizh.

Diskouezet e vo an teulfilm « Erika » digwener, an 12 a viz Kerzu, 26 vlez goude, e sal nevez-flamm JVD, J’ai vu un documentaire, ur sinema kevredigezhel en Oriant. Un doare ivez da enoriñ ur stourm en deus kemeret perzh ennan kalz a dud er vro.

Ar film-se a oa bet sevenet get Olivier Brunet ha Lise Baron diàr dañvez degaset get ar gazetennerion Benjamin Keltz ha Nicolas Legendre. Un nozvezh ispisial e vo digwener get ur prantad eskemm a vo goude bannadenn ar film.

Anna Quéré a Bretagne a culture Diversité, BCD he deus ken-aozet an darvoud-se. Ken-aozet eo an nozvezh-se ivez get Vigipol, Radio Balises ha JVD.