Penaos disachañ skolajidi da vont e lise Diwan Karaez ?
‘Zhun dremenet ‘oa dalc’het ar forum heñtañ en lise Diwan Karaez : pedet ‘oa bet skolajidi Diwan da dont da dizoleiñ micherioù liesseurt, en brezhoneg… ha war ‘n dro, da dizoleiñ al lise ha da doullañ kaoz gant liseidi. A-bouez eo seurt darvoudoù evit Diwan, peogwir e c’hell reiñ ar c’hoant d’ar skolajidi da lakaat o anvioù el lise en Karaez. Pezh ‘zo, gant an enkadenn ‘zo er mare-mañ el lise, dre un diouer a arc’hant hag a blas, ne ro ket ar c’hoant da lod da vont da Gerampuilh war-lerc’h an trede klas… Klevet ‘vo Pascale Chevillard, a-berzh a rouedad Diwan, a displego dimp an dalc’h.
