Ouzhpenn ur miz ’zo oa bet dalc’het obidoù Jean-Marie Le Pen en Drinded. Hag un dra n'eus lakaet bed sonerezh Breizh da dabutal kalzig war ar rouedadoù sokial : deuet e oa un nebeud sonerien, gwisket gant dilhad hengounel, da seniñ dirak arched Jean-Marie Le Pen.

War Facebook dreist-holl ‘zo bet sach blev etre sonerien eus bed ar bagadoù hag ar festoù-noz, tro dro d’ur goulenn : daoust hag emañ plas ar sonerien e seurt darvoudoù ? Ma oa kazi an holl a-enep mennozhioù Le Pen, n’eo ket ‘vit se oa ken splann ar respont. Selaouomp soñjoù Marie, Julien ha Gweltaz, sonerien ha sonerez ampart e bed ar bagadoù ha festoù-noz.

Setu soñjoù bet dastumet gant Gwenvael Delanoe Ar Berr. Diskouezet eo bet gant bed ar bagadoù dija bezañ a-enep mennozhioù gouenelour, evit souten Yannick Martin da skouer. Met ivez en ur vont da seniñ gant sonerien eus ar bed a bezh, ha krouiñ ur sonerezh kemmesket.