Embannet eo bet ar c'heleier ar beure mañ gant Erwan Blanchard

5000 dañsour-ez 'ba Yaouank!

E Roazhon eo bet klozet festival Yaouank 2024 war un ton bras, ouzhpenn 5000 a dud n'eunt dañset 'ba sal ar Frankiz da vare Fest-noz brasañ ar bed. E-mesk ar strolladoù a oa war al leurenn e oa Fleuves n'eus kinniget e drede bladenn, Les Ramoneurs de Menhirs, Les américains du désert pe c’hoazh Handia. Unan deus ar strolladoù n'eus graet ar muiañ a verzh a oa Eben, ar strollad n'eus savet ur raktres gant ar c’haner breizhad hag indian Ilyas Khan (distaget ‘giz Cannes). Kinniget o deus ivez, evit ar wech kentañ, tonioù ha kanaouennoù o fladenn nevez a zo o paouez bezañ enrollet, Marine Lavigne a gont deomp hiroc’h warne... Ur reportaj gant Anton Burel.

Diellañ mat evit derc'hel mat an archivoù

"Nos Archives Nos Futurs", setu an darvoud meur 'zo bet kenaozet gant an FAMDT (Kevread aktourien ar sonerezhioù hag an dañsoù hengounel) ‘sambles gant Dastum. Dimerc’her ha diriaou e oa bet dalc’het 'ba Roazhon gant prezegennoù war ar sondielloù ha kudennoù liammet gant ar sondielloù met ivez Filmoù ha sonadegoù. Devezhioù a-feson evit an dud a labour 'ba bed an dielloù evel Tudi Créquer, a zo o sevel un dezenn war an enrolladennoù son kentañ e Brezhoneg, hag Erik Marchand, ezel eus kuzul merañ Dastum. Emaint gant Anton Burel.

Ha da selaou ouzhpenn 'bar c'heleier :

• Etre 350 ha 400 manifester 'ba Groñvel ouzh aotre da astenn ar vengleuz Andalouzit

• COP 29 'ba Azerbaïdjan: un emglev zo bet kavet met n'a ket gant an holl

• Saotrañ nebeutoc'h gant ar plastik: un emvod bedel zo 'ba Korea ar Su beket ar 1añ a viz Kerdu

• Kreiz-kêr vBeirut bombezennet e-kerzh an dibenn-sizhun: 29 den bet lazhet

• Colin Popescu, zo a du Russia, zo erru e plas kentañ tro gentañ dilennadegoù prezidant Romania

• Ur prezidant nevez zo 'ba Uruguay: Yamandiu Orsi eus an tu kleiz

• Trede prosez Fillon zo lañset 'ba Pariz hudu

• Kampionez Breizh Kross Kountri eo Agathe Guillemot!

• Barça-Brest a vo embannet war ho pemp radio e brezhoneg adalek 8e50 war-eeun warc'hoazh.