Kalzig a dud 'oa bet o rentañ enor da gClement Meric dec'h da noz 'ba Brest war blasenn ar Frankiz. Clement Meric, ar brestad yaouank 'oa 18 vloaz, 'oa drouglazet gant skinheads dimerc'her dremenet 'ba Pariz 'blam d'e vennozhioù politikel. Araok mont da studiañ eno 'oa bet Clement, ur stourmer eus an tu kleiz pellañ, lisead 'ba lise an Harteloire 'ba Brest. Setu fromet ha fuloret tud 'zo 'ba Brest. Ronan, ur studier, 'neus mennozhioù tost eus ar re 'oa difennet gant Clement Meric, 'oa 'bar vodadeg dec'h da noz. Selaouomp 'nañ ouzh mikro Erwan Blanchard. Fenoz da 8e30 'vo ur vodadeg all 'ba Brest, war blasenn Guerin 'ba karter Sant-Mikael.