Urzhiet he deus an arme israelian digant annezidi kamp Rashidiye kuitaat o ziez ar sizhun dremenet. Ur c'hamp repuidi palestinat eo kamp Rashidiye e Su bro Liban. Krouet e oa bet e 1948 da vare an Nakba ha krouidigezh Stad Israel. D'ar c'houlz-se o doa ranket 700 000 palestinad ha palestinadez kuitaat o bro ha mont da Sisjordania, Gaza pe kavout repu er broioù a zo war an harzoù gant Israel. Nac'het zo bet dezho distreiñ d'ar ger da c'houde. Abaoe 2006 e oa gevellet ar c'hamp gant kêr Douarnenez. Youenn Jardin, ezel eus an AFPS, en doa bet tro da vont teir gwech da Rashidiye gant ar c'homite gevelliñ. Selaouomp anezhañ.

Klevet ho peus Youenn Jardin, a zo ezel eus an AFPS e Douarnenez ha deus ar c'homite gevelliñ etre Douarnenez ha Rashidiye. E 1982 e oa bet aloubet Liban gant Israel dija ha ranket o doa tud Rashidiye kuitaat o c'hamp dija d'ar poent-se.

Skeudenn : grabbelaar