Les ramoneurs de Menhirs 'ba Montroulez evit souten Pobl Palestina
Spontus eo ar brezel zo etre Izrael hag an Hamas ! Palestinianezed ha Palestinianiz ‘neunt da anduriñ ar bombezennoù bannet war o bro, blokus o bro, an diouer a voued hag a louzoù ha dafar yec’hed a bep seurt. Se zo kaoz ‘neunt afer bout skoazellet. Kevredigezhioù dre ar bed a bezh a glask kas peadra da dreistvevañ da dud Palestinia. En o zouez emañ an AFPS, Association France Palestine Solidarité. Ur skourr lec’hel zo ‘ba Montroulez. Gant an izili ‘zo savet un nozvezh Breizh Rock evit Palestinia ‘vo dalc’het digwener noz ‘ba Langolvas. War al leurenn ‘vo Les Ramoneurs de Menhirs ha Les Barons de comptoir digwener noz ‘ba Langolvas. Da eizh noz ‘vo roet lañs d’an abadenn Rock.Un digarez eo deomp da ginnig en dro ar pezh eo ar gevredigezh AFPS gant Fabris Kadou, zo ezel anezhi.
