Enklask Splann! : Porzh Sant-Nazer, klañv gant e industriezhioù
"Sant-Nazer, klañv gant e industriezhioù". Sell aze danvez enklask diwezhañ ar media dizalc’h Splann!. Lodenn gentañ an enklask oa deuet er maez d'ar yaou 16 a viz Mae. Stank eo al labouradegoù kostez porzh Sant-Nazer ha ken stank all ar produoù pistrius ha dañjerus a zeu er-maez pe a vez stoket enne. Gant an enklask-mañ e splujer e donderioù toksek ar porzh da heul ar c’hazetenner Samy Archimède hag ar gazetennerez Itzel Marie Diaz. Dedennet int bet gant an efedoù war yec’hed al labourerien en uzinoù, evel ma lavar deomp unan eus kazetennerezed Splann!, Juliette Cabaço-Roger.
Un enklask da lenn war lec'hienn internet ar media dizalc'h.
Ur pennad-kaoz gant Aliette Guinebaud ha Sarah Barnier, stajiadezed e Radio Kreiz Breizh.
