Ganet ew ar ganeres amerikan Valerie June e 1982 ba'n Tennessee, ha grass d'he sad he deus selowet doh ur bochad rythm'n'blues, soul ha gospel. Ema é chom ba Memphis, desket he deus soniñ meur a venweg (banjo ha kitar lap-steel, ampart ew iwe ged ar gitar-hweh-kordenn hag ar ukulele), hag enrollet he doa tri albom dija, produet geti he-unan, raog siniñ ged ur label hag embanniñ e 2013 Pushin' against a stone. Kensavet he deus Valerie June un nebeud kanennow ged Dan Auerbach (The Black Keys), kenproduer an albom iwe. E leveson vez klewet mad "Somebody to love" pe ar single "You can't be told". Blues ew an disk, anad ew ba kanennow èl "Trials, troubles, tribulations" mes klewet vez kountry ohpenn ("Tennesse time") pe bluegrass ("On my way") ha rock. Puissant ew mouezh ar ganeres, rustig ha dalhet mad, mes gouied a ra hoari geti kement ewid hor souezhiñ èl hor lakaad da lesiriñ edan heol he Hreisteiz. Ur gwir arzoures ew Valerie June, kennig a ra deomp ur bladenn fin, liesliw, disoh he hultur personel hag he henlabour ged Auerbach. Savet o deus un enrolladenn a-vremañ, liwet ged an amser gwezharall, hag efedus-bras o rekipe. NATACHA ATLAS "Man's world" in Something dangerous (2003 . Mantra) TAKEN BY TREES "To lose someone" in East of Eden (2009 . Rough Trade) DUNGEONESSE "Shucks" in Dungeonesse (2013 . Secretly Canadian) VANESSA PARADIS "Sombreros" in Love songs (2013 . Barclay) VALERIE JUNE "You can't be told" in Pushin' against a stone (2013 . Sunday Best) LISA LEBLANC "Aujourd'hui, ma vie c'est d'la marde" in Lisa LeBlanc (2012 . Bonsound) Liammow an deiz : > Valerie June ha > Lisa LeBlanc > Dungeonesse > Natacha Atlas > Taken By Trees > Vanessa Paradis