Souten ar stourmerien sindikel eus Montroulez ! ‘Benn disadorn ‘zo aozet ‘ba Pleiber-Krist un devezh Fest-Deiz/ Fest-Noz evit rastellaat arc’hant ha sikour anezho da baeañ ar mizioù alvokaded. 18 stourmer ouzh al lezenn war al leveoù ‘oa bet kaset ha goulennataet gant ar boliserien ha gant ar justis. En holl eo 5000 euro ‘neunt ranket reiñ d’ar breutaer ‘neus kuzuliet ha difennet anezho meur a wech warlene.  Pezh ‘oa rebechet dezho eo bout stanket an hent royal ‘ba kostez Montroulez ‘pad poder eurvezh. Pemp anezho zo bet kondaonet da baeañ telloù-kastiz uhel a 300 euro puur ‘neunt ket doujet da god an hentoù… Muioc’h a displegadennoù gant Fabris Kadou, unan eus ar stoumerien zo bet kastizet. Emañ gant Erwan Blanchard.

Ar Fest-Deiz hag ar Fest-Noz ‘vo dalc’het ‘ba sal kumun Pleiber-Krist. Komans ‘raio ar gouel da 4e. 14 strollad ‘deuio da seniñ ha da ganañ evit souten ar stourmerien sindikel. En o mesk e c’haller menegiñ Veillon-Kemener ; Berrjul ; Morvan-Glidig ; Davai-Laken ha Cheuk cheul cheuk !!