Lezenn war an divroañ: soñj Pierre Beaugendre a degemer ur paotr yaouank dibaper

Chom a ra eizteiz da Guzul Bonreizh Stad C'hall evit reiñ disoc'h e breder war lezenn an divroañ. D'ar 25 ar sizhun a-zeu e ouiimp peseurt lodennoù deus al lezenn a zo hervez ar Vonreizh ha pere n'int ket. A-raok an dra-se, ha da boueziñ ar C'huzul, e vez aozet manifestadegoù gant kantadoù a aozadurioù a sav a-enep dezhi. Disul tremenet e oa bet un devezh broadel a vanifestadegoù, hag a-bennisul ar sizhun-mañ e dro, e vo manifestadegoù e pep lec'h. Goulenn a reont krenn ha krak ma ne vo ket lakaet al lezenn en pleustr tamm ebet.  E Bro Dreger zo deus ar gevredigezh Meskaj, ur gevredigezh familhoù ha tiegezhioù o deus bet degemeret minored divroet o-unan. Pierre Beaugendre, ezel deus ar gevredigezh, 'n eus degemeret un den yaouank minor ivez, hag a zo deuet da vezañ ezel deus ar familh. Emañ gant Tunvezh Wlegen Grandjean .

Emgavioù zo e pep lec'h : e Brest, e Landerne, e Montroulez, e Kemper, e Kemperle, e Karaez, e Dinan e Lambal e Sant Brieg, en Oriant e Pondi e Gwened, e Roazhon hag e Naoned.

Arkea Ultim Challenge: c'hwec'h skipper zo gant tro ar bed e-bourzh bigi lies-kouc'hoù

C’hwec’h skipper ‘vit ober tro ar bed ar buanañ posubl ! Sed aze pal ar redadeg war vor anvet Arkea Ultim Challenge. Loc’het eo ar 6 skipper eus Brest d’ar 7 a viz Genver evit kas 40 000 km. E bouzrh bigi bras, liez kouc’hoù e c’hallont mont beket 90km d’an eur. Ha mont ‘reont gant memes hent ‘vel ‘ni zo savet evit ar Vendée Globe. Tost e kreiz ar c’hours ‘mañ ar skipperien bremañ. Met deomp da gaout un tamm muioc’h a ditouroù met dreistholl sonj ur skipper ‘neus treuzet mor Atlantel da genver ar mini transat e miz Gwengolo diwezhañ. Tomaz Andre zo gant Erwan Blanchard.

Amañ e c'haller selaou ar reportajoù

Hag ouzhpenn er c'heleier:

- Dibabet eo skol publik Plouizi evit kemer perzh e taol arnod da wiskañ an holl skolidi gant memes dilhad 

- Manifestet e vo warc'hoazh evit souten Ti Salam 'ba Sant-Martin-war-ar-maez

- Tri manifestour zo a-enep ar poulloù bras divent zo bet kondaonet d'an toull-bac'h gant goursez

- Posubl e vo da Rouantelez Unaned kas repuidi da Rwanda!!

- Sachet e vo war ar gordenn er C'hoarioù Olimpek a vo 'ba Pariz d'ar 7 ha d'an 8 a viz Gouere

Embannet eo an abadenn geleier gant Erwan Blanchard