Kelenn polinezeg dre soubidigezh ?
Diriaou tremenet e oa ur Ministr Polinezad e skol Diwan Karaez ! Ronny Teriipaia eo Ministr an Deskadurezh Broadel e gouarnamant dizalc'hour a vremañ bro Bolinezia. E bal eo lakaat e plas ur sistem skolioù publik dre soubidigezh en archipel inizi er meurvor Habask. Deuet voe diriaou neuze da welet penaos e tremen an traoù er skolioù dre soubidigezh e brezhoneg, ar skolioù Diwan. Da gentañ e oa bet o weladenniñ ar skol vamm Diwan e Karaez, ha da eil al lise.
Displegiñ a ra ar Ministr, e yezh tahisianeg, peseurt darempred o deus yaouankizioù Polinezia gant o yezh.
Ouzhpenn ar ministr Ronny Teriipaia e klevet Erwan ar Berr, rener skolaj Diwan Kemper, Gregory Moign, rener lise Diwan Karaez, ha Noan, liseadez e Diwan Karaez.
Ur gelaouadenn gant Tunvezh Gwlagen-Grandjean.
