Ar c'han Raï e Aljeria, ar frammoù kalvez Daemokjang e bro Korea, fest an arzhed er meneier Pirene, ar c'hoari Chovqan war varc'h e Karabakh... pe c'hoazh ar fest-noz e Breizh : petra eo a liamm an holl gizioù-mañ etrezo ? Renablet int, gant kantadoù a re all, war listennad ar glad sevenadurel dizanveziel. 20 vloaz zo, er bloavezh 2003, e oa bet skrivet ar goñvañsion da wareziñ ar glad dizanveziel gant ar broadoù unanet evit an Deskadurezh, ar Skiantoù hag ar Sevenadur, an Unesco.

Lidet oa bet e Pariz 20 vloaz ar goñvañsion d'an 8 a viz Du 2023. Hag evit en ober zo bet soñjet gant an aozerien aoziñ... ur fest-noz ! Aozet oa al lid e Palez Chaillot, war blasenn an Trokadero, ha dañset neuze e tal an Tour Eiffel.

Selaouomp Christian Rivoalen deus Dastum, hag an eus graet war dro ar fest-noz gant bretoned ha bretonezed all...

Ur pennad-kaoz gant Tunvezh Gwlagen-Grandjean.