Fulup Lannuzel en deus kinniget e levr nevez, Mall achap !, e Saloñs al levrioù e Karaez.

Pevare levr ar skrivagner eo goude Koroll an Dasoc’h, Kaour ar barzh, Galeour ha Pik ar vran. Ar wech-mañ e vezomp kaset da vro Leon gantañ. Dek danevell a ya d’ober an dastumad-mañ. Deus ar C’hwec’hvet kantved betek hor c’hantved ni e c’hellomp beajiñ e istor Bro Leon hag istor Brest, eus ar grennamzer koulz hag e karterioù ruz Brest e penn kentañ an 20vet kantved. Un atersadenn kaset gant Anton Burel.

Ouzhpenn 300 000 beaj gant an transportoù foran zo bet kaset dindan ur bloaz ‘ba bro Montroulez !

En holl eo muioc’h evit ur milion c’hwec’h kant mil a dud zo aet gant ar busoù kêr abaoe miz Gwengolo 2022… Laouen bras eo dilennidi tolpad kêrioù Montroulez gant o folitikerezh treuzdougen digoust. Tolpad kêrioù Montroulez zo unan un 40 ensavadur lec’hel ‘neus graet an dibab se e Frañs… Solange Kreignou zo bez-prezidantez tolpad kêrioù Montroulez e karg eus an ekonomiezh.Emañ ouzh mikro Erwan Blanchard.

Holl reportajoù Keleier ar vro da selaou AZE.

Ha da glevout ivez er c'heleier :

- Ur poent war ar brezel israelo-palestinat : troc'h pellgomz hag internet, aloubadeg aerborzh Daghestan ha diouer a gamionoù skoazell etrevroadel e Gaza

- Ur c'hammed ouzhpenn a zo bet dec'h evit enskrivañ an IVG er vonnreizh

- Aotreet e vo ar boliserien da dennañ a dostoc'h c'hoazh gant an LBD

- N'eus ket bet karr-nij ebet o kuitaat aerborzh Brest dec'h nag ar mintin-mañ

- Echu eo Kib ar Bed Rugby disadorn

Keleier kinniget gant Metig Jakez-Vargas