Keleier d'ar 14 a viz Even- 8e30 beure
- Difenn ar servijoù publik: ur vanifestadeg 'vo 'ba Gwegamp 'benn disadorn
E Gwengamp ne vez ket ganet bugale ken ur miz hanter zo, diwar diviz an ARS, Ajañs Rannvro ar Yec'hed. Hag emañ en pign ar surjianerezh jinekolojik ivez. Aon o deus ar sindikajoù e padfe an dra-se hag e vije serret ivez en amzer da zont ar surjianerezh noz-deiz hag an urjañsoù... Efejoù fetis zo dija gant serradur servij gwilioudiñ ospital publik kreiz Bro-Dreger. Un toullad devejoù zo e oa bet ganet ur poupig bord an hent bras. Ar vamm zo o chom e Gurunuhel, chouk da Wengamp, ha n'he deus ket bet amzer da dapout Sant-Brieg. Ganet he deus he merc'hig ba kamion ar bomperien... Ar sizhun dremenet a-hend-all e oa bet respontet da c'houlennoù dilennidi ar vro gant Dominique Faure, ministrez dileuriet en karg eus ar strollegezhioù lec'hel. Gael Roblin, eus CGT Gwengamp hag ezel eus ar genurzhierez Yec'hed e Bro-Wengamp, n'eo ket bet kendrec'het gant he lizher...
Santimant Gaël Roblin enrollet gant Tomaz Laken.
- Eric Zemmour 'ba Brest: ne vo ket graet un degemer mat dezhañ!
Talañ eus an tu dehou pellañ ha eus Eric Zemmour ! Ur stroll sindikadoù ha strolladoù poltikel ‘zo savet evit manifestiñ a enep Eric Zemmour ‘zo da dont da Vrest ‘benn disadorn. Gant Visa 29 hag ugent ensavadur all eo kaset ar galv da vont da vanifestiñ e tal Otel Oceania ‘ba kreiz kêr Vrest. Eno eo sañset ni zo penn ar strollad eus tu dehou pellañ « Reconquête » derc’hel ur prantad da sinan e levr nevez. E touez ar strolladoù a c’halv da vont da vanifestin emañ ar gomunourien yaouank… Gant an izili eus Reconquete eo diskuliet eo ar « Spont Ruz » ‘vez o redek p’en em gav Eric Zemmour ‘ba un tu bennaket. Da 3e goude kreisteiz eo lakaet an emgav e-tal Leti Oceania evit ar vanifestadeg.
Taran Marec, eus strollad ar gomunourien yaouank zo gant Erwan Blanchard.
Gallout a reer selaou ar pennadoù-kaoz amañ
Ha da glevout 'bar c'heleier:
- Leun eo kefioù an Unedic
- 110 milion a dud zo divroet er bed hervez an ONU
- Gwallgaset eo bet Marie Tondelier ha Sandrine Rousseau (EELV) gant produerien gwin
- Hudu emañ devezh ar philo!
Kinniget eo an abadenn geleier gant Erwan Blanchard
