Votet eo bet budjed an treuzdougen er rannvro
Penn Kentañ ar sizhun tremenet o deus votet ar c'huzulierien ha kuzulierezed Rannvro budjed kentañ ar bloaz.
Daou ugent mouezh evit a zo bet, pevar ha tregont a-enep ha 9 neptu. E mesk ar c’hinnigoù bet mouezhiet ez eus kresk priz an tikidi evit an trenioù TER ha Kirri boutin ar rannvro, ar busoù Breizhgo. N’eo ket bras ar c’hresk-se ha ne vo ket evit tout an dud, met ur sin fall eo evit ar strollad Breizh a-gleiz. Selaouomp ouzh Gael Briand Kuzulier rannvro eus ar strollad. Goulennataet gant Anton Burel goude mouezhiañ ar budjed en Ostel Courcy e Roazhon. Ret e vo gortoz un tamm evit gouzout ma vo klevet brezhoneg e trenioù TER e Rannvro Breizh, met war an hent mat emañ an traoù.
