Disadorn ne oe ket bet forh aes an traoù aveit tud skipailh kentañ Bad'Club Rostrenn. Àr digarez un deweh kampionad etrekluboù e oa Rostrenn é-tal ar gwellañ skipailh a zo e live ketañ ar c'hampionad. Arlene hepken e oa tremenet klub badminton Rostrenn d'al live « Top 12 ». Neuzen ema tud Rostrenn e traoñ ar renkadur-se aveit ar mare... Ha disadorn o doe gouneet daou grogad diàr eizh hepken. Unan ag an daou grogad-se oe bet gouneet get Xue Fei Qi. Honnezh zo bet nevez zo kampionez Frañs aveit an deirvet gwech. Enoret e oa bet gant ar publik disadorn hag e oe bet profet ur boked fleur dezhi get tud kêr Rostrenn...

Tomaz Laken a oa e-mesk ar publik daet niverus...

Ret e vo da dud skipailh badminton Rostrenn gounit é-tal skipailh Talence d'an 18 a viz Meurzh ma faota dezhe chom en Top 12 ar blez é tonet...

Ur reportaj get Tomaz Laken.