Dilun Kreisteiz ez eus bet aozet un tolpadeg gant Rouedad ar Brezhoneg e Roazhon da vare donedigezh Pap Ndiaye, Ministr an Deskadurezh.

Raktreset ‘noa ar Ministr emgavioù e Roazhon hag er Reuz evit komz deus an deskadurezh d'ar mediaoù. Benn ar fin 'noa dibabet chom ba Pariz evit un emgav all gant ar c'hentañ ministrez. Dalc’het eo bet an tolpadeg memestra. Tro kant den zo en em gavet dirak C’hoariva Brodel Breizh evit difenn ar Brezhoneg, ha goulenn digant Ministrerezh an Deskadurezh ma vefe doujet ouzh an emglev stad-rannvro hag al lezenn Molag. Selaouomp Tangi Louarn Prezidant Kevre Breizh hag Yves-Marie Derbrée Salaün, bez-prezidant Diwan. Diouzh mikro Anton Burel e oant. Klasket o deus tud Diwan ha tud Divyezh kaout un emgav gant Ministrerezh an deskadurezh stad met n'o deus resevet respont ebet deusoutañ evit poent.