Degouezhout ar redadeg 2024 e Naoned ?
Ba pelec’h e vo degouezhout ar Redadeg e 2024 ? Emañ skipailh ar Redadeg o prederiañ war an dra-se. E mesk ar c’hêrioù o deus lakaet o anv evit degemer degouezhout ar Redadeg emañ an Naoned. Roet o deus lañs an naonediz d’ur brantad kabaliñ anvet #Naoned2024 evit gallout degemer ar Redadeg. N’eus ket pell zo eo bet an emvod kentañ evit labourat war an aozañ, hag ouzhpenn tud ar Redadeg e oa : Tud ti-kêr Naoned, Ti-Kêr Sant Ervlan, yezhoù ha sevenadur, kentelioù an noz, acb 44, Diwan, divyezh, hag hon genlabourerien deus Radio Naoned ! An disoc'h a vo embannet e deroù miz kerzu d'an diwezhatañ. Cyril le long a oa en emvod-se.
Un atersadenn gant Raphael Thouroude
