Adunaniñ : 500 a dud dindan an dour e Sant-Nazer !
Disadorn oa bet manifestet e Sant-Nazer da heul Breizh Unvan, ar gevredigezh a stourm da adunaniñ Breizh abaoe 1976. Tro pemp kant a dud o deva dibunet dre straedoù ar gêr, en o-mesk tud UDB, an tu kleiz emrenour, tud Strollad Breizh, an tu dehoù broadelour, ha tud deus an tu dehoù pellañ. N’eo ket bet brav an amzer d'ar vanifesterien : dour bras, grizilh hag arnev oa bet e-pad ugent munud goude ma oa loc'het ar gerzhadeg. Met petra zo nevez gant ar stourm-se a-hend-all ? Bloaz paseet oa bet votet gant tregont kumun, Brest, Naoned ha Roazhon en o-mesk, ur mennad da c'houlenn digant ar Stad aozañ ur referendom war an adunaniñ. Pennad-kaoz gant Paskal hag Alan, bet enrollet gant Anton Burel.
