275vet Foar ar c'hezeg ba Bulad-Pistien
Evit an daou c'hant pemzekvet gwech ha tri-ugent e oa graet Foar gezeg Bulad-Pistien d'al lun 12 a viz Gwengolo. E-skeud pardon Bulad e ta bep bloaz da Greiz Breizh gwellañ saverien kezeg ar vro da goñkouriñ. Hag evit ar bloaz ne oa na mouch nag aotre-tremen-yec'hed gant an dud. Met amzer vrav oa bet ! Se zo kaoz moarvat e oa deuet un tropad brav a dud. Tro 9e30 da veure e oa tremenet ar re gentañ deus ebeulien ar bloaz dirak ar juri... Bet oa Tomaz Laken o konto gant ar saverien ha saverezed kezeg un herrad araok komañsamant ar c'hoñkour, e-keit ma oant o prientiñ o loened...
Da glevout er reportaj If Bronneg deus Plone'-Kintin, Alain Berthelot deus Kallag hag Annie Konan deus Laruen...
