Musik pop naïv levesonet ged ar 60s hag ar soniow pop garaj amerikan, setu sekred ar strollad Granville, a Normandi èl reson, savet ged Melissa Dubourg (kan), Sofian El Gharrafi (kitar, klawier, ha saver-kanennow), Nathan Bellanger (kitar boud) hag Arthur Allizard (batri). Ba Caen o doa 'n em dolpet e 2011, goude boud sonet ba'r strolladow Chocolate Donuts ha Raspberry Curls. Granville a gana ba galleg, en ur stil yeye renewezet ; sod int ged France Gall, Françoise Hardy ha Serge Gainsbourg, ha tostoh en amser ged ar Galifornis Best Coast ha Girls. Waet ew ar maout gete barzh un nebeud kenskrivadegow, sonet o deus ur bochad àr ar leurennow dija, ha ba festivaliow bras èl Rock En Seine. Goude ar single "Jersey" àrlene e kennigant o hentañ albom, Les voiles, yowank ha fresk anehoñ, lan a doniow efedus ("Le slow", "Nancy Sinatra"), skañv, hiraezhus ("Jeans troués"). Posamp an troer-pladennow àr an draezhenn, àr an Aod-West a-dra-sur, ha gwramp bourrabl, é selow doh Tennis, The Smiths, ha Granville ! FRANCE GALL "Bébé requin" (1967 . Philips) ZAZIE "20 ans" in CDsingle (2013 . Universal) SUPERETS "Parachute" in EP (2012 . Croque Macadam) PENDENTIF "Presqu'île" in CDsingle (2013 . Discograph) GRANVILLE "Jersey" in Les voiles (2013 . East West) THE DRUMS "Let's go surfing" in The Drums (2010 . Moshi Moshi . Island Records) Liammow an deiz : > Granville ha > Zazie > Superets > Pendentif > The Drums > France Gall hag iwe > L'Antipode