Abaoe dec'h da noz 'neus pab ebet ken e penn an iliz katolik. Kimiadet 'neus Benead 16 an holl gristenien 'oa deuet betek Roma ha plasenn Sant-Pêr da welout 'nan ur wech diwezhañ. Bremañ 'chomo maez eus ar vuhez ofisiel. Divizet 'neus gouestlañ e vuhez, adalek bremañ, d'ar bedenn. Aet eo Josef Ratzinger Benead 16, kuit eus Vatican da chom 'ba Kastell Gandolfo 'pad daou viz. Amzer d'ar gardinaled dibab ur pab nevez. Milionoù ha milioù a gristenien 'zo o c'hortoz kaout ur pab nevez. En o zouez an aotroù an eskop Mathurin Gourvès 'zo o chom 'ba Plougastell-Daoulaz, 'oa plijet kaer gant Benead 16. Displegañ 'ra deomp peseurt 'vo kaset an traoù da benn 'benn ar sizhunioù o tont.