Ur studier eus Science Po Tolosa 'zo bet lakaet dindan ensell evit palfors. Un enklask oa bet krouet goude testeni Juliette, ur studierez eus ar memes skol. Douget he deus klemm a-enep anezhañ, ar c'hwec'h a viz Genver. Met e-raog he deus embannet ul lizher evit kontañ istor he palfors, e Sciences-Po. A drugarez d'an testeni-se eo bet ganet an hashtag #SciencesPorcs. Ur bern maouezed o deus skrivet, dre Twitter, ar feulsterioù seksel o deus gouzañvet. Hervez kalz a studierezed ne veze ket skarzhet ar balforserion pe an dud o doe graet feulsterioù seksel eus ar skol-veur. Enora Paniez 'zo studierez e Sciences Po Lille. Displet he deus a ra e santimant, doc'h mikro Yuna Kojan. Hag un afer all a zo e bed sciences Po. Roet eo bet e zilez get Frédéric Mion, prezidant Sciences po Pariz. Anavezet e oa aferioù gwadsec'h, insest, Olivier Duhamel. Ar politolog en deus labouret e Science Po pariz. Hennezh a zo bet ivez prezidant Diazezadur vroadel ar skiantoù politikel. (Fondation nationale des sciences politiques (FNSP) Frederic Mion en doa disklêriet e-barzh ar gazetenn « Le Monde », e anaveze tamalladurioù gwadsec'h Duhamel abaoe 2019.