Ur vanifestadeg oa e tal an enez vBerder, dec'h. Ar vodadeg-mañ oa aozet a enep ur raktres a ostaleri luks. Ar stroll Giboire en deus prenet an enezenn prevez e 2013. Ar strollad savadurel a fell dezhañ sevel un ostel, 80 kambr hag ur poul neuial ennañ. Ur strollad tud a zo en em savet a-enep ar raktres, anvet « Berder ensemble ». Ar strollad en deus c'hoant klask ijinañ traoù all da sevel àr ar Berder. Kantadoù a dud a zo bet o vanifestiñ dec'h neuze e tal an enezenn, 800 e voent hervezh an aozerion. Léla Rigidel a voe en o zouezh, hag hi merc'h Eugène Rigidel, ar merdeer brudet. Tomm eo Léla da enez vBerder. Un testeni ganti, ouzh mikro Yuna Cojean. Strolladoù ha kevredigezhoù o deus savet amougoù, rekouroù, a-enep raktres Giboire. Ouzhpenn trizek mil (13 000) den o deus sinet ar sinadeg a-enep an ostaleri.