An arnodennoù a zo komañset er Skolioù-Meur goude ar gouelioù. Met gant ar c'hovid eo cheñchet an doareoù d'ober. Bez ez eus skolioù-meur o deus choazet d'ober an arnodennoù a-bell, hag ul lodenn all anezho o deus divizet d'ober er c'hlas. Digomprenabl eo evit ul lodenn eus ar studierion. N'eo ket aes kennebeut labourat hag adwelet ar c'hentelioù evit an arnodennoù a-bell. Jean 'zo studier e aotreegezh sokiologiezh e skol-veur Jean-Jaures e Tolosa. Ar c'hwec'hmiziad a-bezh 'zo tremenet en linenn evitañ. Jean 'zo distroet da Vreizh evit labourat a-bell. Displegañ a ra deomp penaos eo ar jeu evitañ hag evit ar studierion dre vras. Ouzh mikro Yuna Cojean. An arnodennoù 'zo war plas evit a re a zo e midisinerezh e Roazhon 1. Ar studierion eus pep-lec'h e Frañs o deus aon abalamour d'an aozadur gant ar c'hovid. Ur studier eus Roazhon 1 en deus skrivet un lizher evit kemenn ne oa ket posubl doujañ ar jestroù gwarez er Skol-veur e-pad prantad an arnodennoù.