Gant klenved-red ar c'hovid-19 eo chenchet an darempred o deus an dud gant ar re all, gant al lec'hioù, ha gant an amzer, dre ma n'hellont ket bezan holl er memes amzer er memes lec'h. Ar mod m'eo chenchet labour ar stal kleweled Kaouenn a zo arouezhius a-walc'h. Boaz oa an embregerezh vreton bezan paet evit mont da filman sonadegoù lies-kamera, e Festival Etrekeltiek an Oriant da skouer, pe e hini No Border e Brest, pe c'hoazh a hed ar bloaz e kreizenn sevenadurel Amzer-Nevez e Planvour. N'eus ket deus an aemgavioù-se ken, hag eo aet Kaouenn war un dachenn all, hini an emvodoù deus a-bell... Evel ar c'huzulioù kêr, a lâr Youenn Chapalan deus mikro Tunvezh Gwlagen-Grandjean.