Jeu 'zo 'ba War Raok Gwengamp ha savet 'zo fulor 'ba ul lodenn vat eus ar supporterien, an hisserien! Dilun dremenet 'oa dic'hopret Sylvain Didot, gourdoner ar skipailh pro diwar diviz Xavier Gravelaine. Evit rener ar sport 'zo bet anvet e miz Meurzh n'eo ket paotr Pempoull ar gourdoner 'vo kat da gas War Raok Gwengamp da c'hoari e Lig 1 en dro e 2021. Skarzhet eo bet Didot, koulskoude 'zo bet c'hoariet daou grogad kampionad Lig 2 hepken evit poent: ur match 'neunt kollet ar re ruz ha du ha graet ur match rampo. Mecha Bazdarevic eo 'ni zo bet anvet gourdoner War Raok, ar 5vet hini dindan daou vloaz. Ar bosnian 'zo bet c'hoarier pro gant FC Sochaux ha gourdoner Pariz FC warlene. N'a ket d'ur bern hisserien an diviz kemeret gant Gravelaine. Kemenadennoù a vil vern 'zo war ar rouedadoù sokial a-nep 'ni 'zo bet c'hoarier PSG. Valerie Kervella 'zo unan anezho. Ouzh mikro Erwan Blanchard emañ.