Radio Ribin, "Mouezh an Are" a zo diwanet e kreiz Penn-ar-Bed. Er meneier etre bro Leon, bro Gerne ha bro Dreger e vez diaes tapout pe vefe Radio Kerne, Arvorig FM pe Radio Kreiz Breizh gant tud ar vro. Setu zo bet soñjet ober o radio dezho ganto o-unan, da gentañ penn gant daou zen deus Menez Are, Kristian ar Braz deus ar Fouilhez ha Hervez Kere deus Sant Riwal. Pemzeiktez 'zo eo bet igoret en ofisiel al lec'hienn internet ma c'heller bremañ kavout ar web-radio. Ur radio podkastoù evit poent, ur webmedia zoken, pa vez kavet ennañ koulz son, video mez ivez ur blog hag ur forum. Kontañ a ra Krisitan ha Herve domp penaos eo deuet ar soñj-se dezho da gentañ. Komprenet o peus neuze, digor eo dorioù ar radio d'an holl re hag a zo gant ar c'hoant reiñ o mouezh d'an Are.