Marie-Claude Morvan ne vo ket war ar renk goude 30 vloaz 'giz maerez...
'Benn disul 'vo dalc'het tro gentañ an dilenndagoù kêr. Maered ha kuzulierien 'zo ne 'vint ket war ar renk ar wech 'mañ. 'Vit lod anezho 'vo fin un istor komañset pell 'zo. 'Pezh a c'hoarvezo gant Marie-Claude Morvan 'zo bet dilennet 'pad 37 vloaz, ha 30 vloaz 'giz maerez Hanveg, ur gumun etre Brest ha Kastellin. Petra 'neus degaset dezhi bout labouret 'giz maerez ha bez-prezidantez kumuniezh kumunioù Landerne-Daoulaz, selaouomp 'nezhi ouzh mikro Erwan Blanchard.
