Div wech eo bet nullet an arnodennoù 'oa sañset klozañ c'hwec'hmiziad kentañ ar bloavezh skol-veur-mañ 'ba Roazhon 2. Nullet int bet dre gaoz da stourm ar studierien a-enep da raktres adreizhañ lezenn al leveoù. E fin miz Genver 'oa bet votet benn ar fin, gant dileuridi ar gelennerien hag ar studierien, a-unvouez, evit ma 'vo dalc'het an arnodennoù 'benn 'sun a-zeu, er skol-veur lennegel. Pezh 'zo 'oa dalc'het un emvod meur gant studierien 'kerzh ar sizhun dremenet ha votet gant ar re bet kemeret perzh ennañ stankañ Roazhon 2 ar sizhunvezh-se en dro, p'emañ an arnodennoù da vezañ dalc'het. Sevel 'ra a-du ul lodenn vat eus ar gelennerien ha eus an implijidi 'zo o labourat 'ba Roazhon 2 gant arguzennoù ar studierien. Pezh 'zo e krogont da vezañ ankeniet gant ar mod e tro an traoù. 'vel Stefan Moal 'zo mestr prezegenner 'ba Roazhon 2. Ouzh mikro Erwan Blanchard emañ.