Gant aktourien bed sevenadurel Douarnenez zo bet aozet un emgav braz a-raog an dilennadegoù kêr. Aozet tre eo tud ar micherioù-se kenetrezo e kêr festival ar sinema hag ar fanfaroù. Bep miz en em gavont dibaoe fin an hañv, evit preg diwar benn un tem disheñvel bep wezh. Da zigarez an dilennadegoù o deus bet c'hoant e vefe emskiant pep listennad war ar renk deus ar pezh a vez gortozet deusouto. Bodet zo bet neuze an danvez dilennidi dilun vintin, gant ar pal laoskel pep listennad da resisaat he soñj war he folitikerezh sevenadurel da zont. Ur maread demokratiezh neuze, kentoc'h eget ur emgav politikel. Un tri-ugent den bennaket deus bed ar sevenadur a zo deuet da selaou ar respontoù d'o goulennoù. Goulennoù hag a voe bet savet digant an danvez dilennidi gant Frederique Huet. An eskemmoù a zo bet enrollet, da holl dud bed ar sevenadur gellet selaou ar pezh a zo bet lâret gant an dilennidi e kerzh an emgavioù.