Maouesed int ha choaset o deus un anw triad-paotred : Clémence Gabriel (kitar, kan), Théodora Délilez (kitarboud, diskan) ha Pauline Thomson (kitar, diskan) doa savet Théodore, Paul & Gabriel e 2009 ba Paris. Ohpenn d'an anw-se o deus ur stil baskarin, mes friant int, seksy ha naturel, ha lan a fent surtoud. Sod int ged Neil Young ha Mark Knopfler, sevel a rant musik folk a-vremañ hag e saosneg. Goude un EP e 2011, The silent veil, e kennigant e 2012 o albom kentañ : Please her please him. Troet o deus passabl àr ar leurennow (Les Francofolies, da skwer), raog 'n em lakaad da enrolliñ o musik mod-kozh un tammig, savet a doniow plijus, fromus, tener, ha kasset ged mouezh rustig Clémence, douss àr un tu, tostoh da Janis Joplin àr un tu'rall, hiraezhus ha puissant. Un disk klassel ha modern ew Please her please him. Plijoud a ray kement da faned Bob Dylan èl d'ar yowankis a-vremañ, ken fin ha sontil mand ew bet kempennet ha dijeret ar stil folk ged an teir flah -mañ. "Writing songs" a zisplega mad oar labour-mañ, mes ur souezhadenn ag ar re vrawañ ew an albom en-e-hed. JANE BIRKIN "Lolita go home" in Lolita go home (1975 . Fontana . Philips) > Lehienn ofissiel DAMIEN "Drague" in Flirt (2012 . Ultimisme) > Lehienn ofissiel SOPHIE HUNGER "Rererevolution" in The danger of light (2012 . Two Gentlemen) SOPHIE HUNGER "Das Neue" in The danger of light (2012 . Two Gentlemen) > Lehienn ofissiel THÉODORE PAUL & GABRIEL "Taxi driver" in Please her please him (2012 . Belleville Music) > Pajenn MySpace BAT FOR LASHES "Laura" in The haunted man (2012 . Parlophone) > Lehienn ofissiel