Serj Falezan, animatour 'vit kêr Lannuon, nevez aet en retred. Kinniget 'n eus d'ar gevredigezh divyezh ur raktres brav da sikour an dud da gas ar yezh e-barzh ar familhoù, etre ar rummajoù. Un ostilh 'vit an dud, an dud-kozh, da vont e darempred gant o bugale pe o bugale-vihan. E-barzh un alc'hwez USB 'vo kavet tout an traoù. 36 kapsulenn zo bet enrollet, ar pezh a glot gant ar 36 sizhunvezh ac'h a d'ober ar bloavezh-skol. Pep enrolladenn a bad ur pemp munud bennaket hag e fin pep kapsulenn 'vez kavet ur ganaouenn, ur rimodell, pe ur varzhoneg. Selaouomp Serj a lâr demp peseurt mod oa deut ar raktres-se war e spered...