Ged o albom kentañ e 2010, Innerspeaker, o doa plijet-mad ha souezhet iwe ar strollad a Aostrali Tame Impala, grass d'o son psykedelik a-vremañ. E 2012 e kennigant Lonerism, ha ne vo ket dipitet getoñ a re oa bet skoet dija ged talant Kevin Parker (kan ha kitar), Dominic Simper (kitar boud) ha Jay Watson (batri). Petra vehe dàet da voud ar Beatles, m'o dehe dalhet da soniñ assambl goude Let it be ? Tame Impala marse. Toniow efedus-bras (ar single "Elephant"), posiow fin ("Why don't they talk to me ?"), leveson Pink Floyd ("Apocalypse dreams"), luskow nerzhus ("Be above it")... gouiet o deus adijiniñ ar stil, en ur chom fidel d'ur son mod-kozh àr-un-dro, ema souezhus an disoh, ha diaes da geñveriiñ ged labour tud arall. Ged o eil albom e tiskoueza Kevin Parker hag e gileed penaos o deus labouret sterd, spissaet o son, kreñvaet o han, ewid kass da-benn unan ag ar gwellañ diskow-rock ag ar blez. Don ew, braw ew, beteg golo ar bladenn (Liorzh ar Luksembourg), hag a-dra-sur e brassay hoazh familh o faned getoñ ! TAÏ PHONG "Sister Jane" in Taï Phong (1975 . WEA) > Lehienn ofissiel BRETON "Jostle" in Other people's problems (2012 . fatCat Records) > Pajenn MySpace THE ROLLING STONES "Doom and gloom" in CDsingle (2012 . ABKCO) > Lehienn ofissiel DIVINE FITS "My love is real" in A thing called Divine Fits (2012 . TAME IMPALA "Elephant" in Lonerism (2012 . Modular Recordings) > Lehienn ofissiel IM TAKT "Stop time" in EP2 Part two (2012 . Upton Park) > Lehienn ofissiel