Setu dàet er-maes, erfin, pladenn live gentañ ar haner ag ar Sussex Antony Hegarty, Cut the world, enrollet ba Kopenhag e kompagnunezh an Danish National Chamber Orchestra, ur sort kompil àr ar leurenn a ditlow anavet dija (é toned dreist-oll ag an albom The crying light), mes unan newez-flamm so iwe : ar ganenn-ditl. Burzhudus ew ar hempennow, kasset da-benn ged Nico Muhly, Rob Moose, Maxim Moston ha Hegarty himself. O soniñ dirag an dud a zegass donder ha pinwigezh. Mouezh ar haner so souezhus ataw, un tremolo heb-e-bar getoñ. Enrollet neus mem un destenn a seizh minutenn, "Future feminism", 'menn ma lâra sklàer e soñj a-zivoud ar relijion, àr du ar maouesed, an ekoloji, pe ar seks. Kasset vêmp d'ur bed lan a varzhoniezh dalhmad, a zoussder kreñv a-dra-sur, un ollved iskis, hañval doh ar personaj e-gunan. Akustumet omp bremañ da selow dohte, ha newazh e voiajamp pell ha don ged Antony And The Johnsons en-dro, ha n'hon eus ket 'meid klewed da skwer an ton-bale "I fell in love with a dead boy" ewid santiñ gwir kisidigezh ar vusissianed-mañ, fromus hag uhel, ur wezh ohpenn. BLUR "To the end" in All the people : Blur Live at Hyde Park 02 July 2009 (2009 . Parlophone) > Lehienn ofissiel ALT-J "Breezeblocks" in An awesome wave (2012 . Infectious Records) ALT-J "Tessellate" in An awesome wave (2012 . Infectious Records) > Lehienn ofissiel FATHER JOHN MISTY "O I long to feel your arms around me" in Fear fun (2012 . Cooperative Music) > Lehienn ofissiel LAWRENCE ARABIA "The bisexual" in The sparrow (2012 . Bella Union) > Pajenn MySpace ANTONY AND THE JOHNSONS "Cut the world" in Cut the world (2012 . Rough Trade) > Lehienn ofissiel