Sod int ged ar Beatles (singliow ar bleziow kentañ dreist-oll), ha pewar faotr int iwe ba'r strollad Marshmallow : Frédéric Gamboa d'ar han ha d'ar gitar, Fabien Peuch d'ar gitar, Julien Zanetti d'ar gitar boud, ha Pierre Durand d'ar batri. Doned a rant a Glermont-Ferrand, embannet o doa un EP dija e 2000, Revolver, hag ar blez-mañ o deus kenniget o albom kentañ-toud : À l'heure d'été. Gete e vez savet toniow pop-rock efedus ha posiow fin ha skañv àr-un-dro. Àr dachenn ar son e vênt levesonet (ha maget) hoazh ged rock saos ar 60s, ar Beach Boys, The Kinks, mes kanal a rant e galleg, pezh o laka da voud tost-awalh doh ollved Jacques Dutronc da skwer, pe - e-mesk re yowankoh - Zaza Fournier ha Mustang ; BB BRunes ha Supergrass n'int ket pell iwe. Produet ew bet o disk ged Yarol Poupaud (bet ba FFF), tubow a vez banehoñ a-dra-sur : "Au fond du désert", "La logique de l'homme-canon", tremen a ramp amser bourrabl edan an heol gete ("En plein soleil"), é eved kani douss ("Bloody Mary à la paille"), lesireg ha kool ! JEAN-PATRICK CAPDEVIELLE "Quand t'es dans le désert" in Les enfants des ténèbres et les anges de la rue (1979 . CBS) > Lehienn ofissiel ANTOINE LOYER "À un crâne qui n'avait pas sa machoire inférieure in Poussée anglaise (2011 . Les Disques Bien) > Pajenn MySpace JOHN MORILLION "Scream it as you mean it" in Love it all (2012 . MVS Records) JOHN MORILLION "Share the same sun" in Love it all (2012 . MVS Records) > Lehienn ofissiel LARTIGO "Le claqueur" in Lartigo (2012 . Émergence) > Pajenn MySpace MARSHMALLOW "Au fond du désert" in À l'heure d'été (2012 . Roulez Jeunesse) > Lehienn ofissiel > Pajenn MySpace