Ur levr a-ziàr anvioù lec'h Gwened a zo bet skrivet get Tugdual Kalvez. Setu frouezh ur labour hir evit tolpiñ er mem skrid ar studiadennoù a oa bet graet get tud dishenval a-ziàr kêr Gwened, èl Herve Bihan pe Turiaw ar Menteg dre skwer. Kavet e vo neuze displegadennoù 170 anv lec'h e Gwened. Èl « Beg ar Yar », « Konlev », « Kelliskoed » pe « Ar waremm ». Ouzhpenn displegadennoù da-genver an anvioù lec'h a zo. Dibabet en deus an istorour un nebeut lec'hioù a-bouez da lakaat àr-wel dre gêr Gwened. Selaouamp doc'h Tugdual Kalvez é kontiñ deomp hiroc'h a-ziàr an anvioù a zo bet roet da ger Gwened a-hed ar c'hantvleadoù, èl « Darioritum ». Doc'h mikro Yaelle ar Mouel.