Redadeg Kross an departmant evit ar skolioù a oa hiriv e Kemper. Muioc'h evit 2500 skoliad o tont deus skolajoù ha liseoù an departamant a bezh o deus kemeret perzh. Bloaz paseet oa bet redet e Karaez war dachenn Gerampuilh, ar bloaz-mañ voe e Kemper, war dachennad ar C'hornigel. Aozet vez ar redadegoù-mañ bep bloaz gant kevredigezh an UNSS, da lâret eo Unvaniezh Broadel ar Sportoù er Skol. Goude ur redadeg e diabarzh pep skol hag un eil war live an distrig, eo erruet an dud yaouank o doa c'hoant, evit redeg war live Penn-ar-Bed. Liza Gweganton, deus Skolaj Diwan ar Releg, a zo erruet e kentañ plas ar mousezed promo. Boaz deus ar redadegoù 'mañ, met n'eo ket bep bloaz e vez an hini gentañ. Diskinnig : Hag emañ Liza Gwenganton o tizañ ar pal da erruout war ar podium e touez an teier plac'h wellañ he rummad. Ouzhpenn he a zo bet trec'h e touez rederien Diwan : he c'hoar Tiffen, deus Lise Diwan Karaez, a zo erruet an hini gentan en he rummad yaouankidi plac'h, ha Lowan Kere, el lise ivez, e touez ar yaouankidi paotr.