Dec'h 'oa emvod meur ar gevredigezh kêrioù Arz hag Istor ha kêrioù istorel Breizh e Gwengamp. Ur gevredigezh zo tregont vloaz bremañ hag a glask lakaat pinvidigezh istorel ar c'hêrioù ha kêriadennoù e Breizh war-wel. Ur bloaz zo eo bet degemeret kêr Wengamp er gevredigezh. 'Kerzh an emvod meur 'oa bet roet da anavezout ul levrig savet da ginnig kêrioù Breizh perzh er gevredigezh, lakaet e brezhoneg evit ar wezh kentañ gant sikour Ofis publik ar brezhoneg, war-lerc'h un toullad mat a yezhoù all, en o mesk galleg, saozneg, spagnoleg, italianeg, pe amalaneg. Dec'h 'oa Mona Bras o kemer perzh en emvod, en anv Kêr Wengamp hag Olier Ar Mogn, rener skiantel Ofis Publik ar Brezhoneg. Muioc'h a displegadennoù gante.