Abaoe pempzektez emañ kerent bugale skol ar C'hragoù 'bar C'hloastr-Plourin 'kichen Montroulez, o stourm 'vit kloask addigeriñ ur pevare klas. Serret 'oa tri devezh goude an distro skol a-greiz holl gant an Deskadurezh Stad. Lañset ar bloavezh skol nevez gant 70 bugel etre ar re vihan hag ar re 'zo e CM2, 6 bugel neubeutoc'h 'vit warlene. Hudu 'zo bet un emgav gant an ensellerezh akademik 'vit klask un diskoulm. Kinniget 'zo reiñ un hanter bost mestr-skol 'pezh n'a ket da dud ar C'hloastr-Plourin 'neunt aon 'vit dazont o skol. Selaouomp Veronique Pereira 'zo maer ar gumun 'zo 'ba Menez-Are, just araok ma 'yafe un hanter bennaket a vanifesterien o stankañ an hent tizh 'ba Montroulez 'vit diskouez o fulor. Gant Erwan Blanchard.