Er Mor Bihan evit ar strollad Ar Republik War Raok (La République En Marche), an danvezioù kannad a zo holl erruet er c'hentañ plas, aes. Ouzhpenn 40 % ag ar mouezhioù 'zo bet tapet gete. Hervé Pellois, Gwendal Rouillard, Nicole Le Peilh ha Jean-Michel Jacques em gavay en eil tro. Souezhadennoù 'zo bet: Philippe Le Ray evit ar Republikaned n'eus tapet an eil plas get 26 % hepken, ar moraer Jimmy Pahun a zo erruet dirazañ get tro-dro 28 % deus ar mouezhioù. Philippe Noguès ne vo ket en eil tro, echu eo evitañ erruet eo war lec'h danvez kannad ar republik war raok ha gwen le nay evit an UDI. Hag ar c'hannad Gwendal Rouillard a vo a-enep Alexandre Scheuer en eil tro, danvez strollad les insoumis eo. Ha Gael Briand a oa e ti-kêr An Oriant de welet an disoc'hoù. Danvez Ya Breizh eo. Tapet en deus tro dro 2,20 % deus ar mouezhioù. Hag ouzhpenn an hanter deus an dud a zo chomet hep votiñ e pempvet pastell-vro ar morbihan.