Dilennadegoù depute: Ya Breizh! er 5vet pastell-vro
Bremañ eo tro ar prantad kaballiñ 'vit an dilennadegoù depute da grogiñ. 'Benn an 11 a viz Even 'vo dalc'het an dro gentañ.
Anavezet eo Marsel Berrou e bro Lesneven 'vit bout kemeret perzh e buhez kevredigehel ha Diwan dreistholl.
Ha divizet n'oe mont àr ar renk e anv ar savenn "Ya Breizh!" e 5vet pastell-vro Penn-ar-Bed.
"Ya Breizh!" 'zo bet savet get Breizh War Raok hag an UDB, daou strollad hag a difenn mennozhioù ar rannvroelourien.
Displeget 'neus da Erwan Blanchard ar pezh 'neus lakaet anezhoñ da vont àr ar politikerezh.
