Diryaou tremenet zo bet kemeret un diviz pouezus evit an dud a stourm war dachenn ar reizh. Goulennet oa gant un den etrereviat, he lesanv Gaetan, e vefe skrivet en ofisiel e oa eñ neptu, na maouez na gwaz, war he c'hartenn idantelezh. Nac'het eo bet gant lez-terriñ (cour de cassation) bro C'hall. Ne chomo ket Gaetan war he bern goude diviz al lez-terriñ. Emañ e avokaded en soñj kas an afer betek lez Europa gwirioù bugel-den. En a-dreñv e chom bro C'hall war gwirioù an etrerevidi. E Aostralia, er Zeland-Nevez, en Indez hag en Nepal e vez anavezet dija un trede reizh. Embannet zo bet gant an dud a wir, eo rabad dont en dro war unan deus diazezoù an urzh sokial : binarelezh ar reizh. Aet eo Tunvezh Wloegen da c'houlenn he ali digant gopradez ar gevredigezh Gast! Cecile Jacque