'Benn digwener beure 'vo prosez e Gwengamp. Dirak ar varnerien 'vo pevar den, rebechet dê bezañ stanket treñioù e Plouared, 5 gwezh etre miz Mae ha miz Even 2016, da-geñver ar stourm a-enep d'al lezenn nevez war al labour. Pevar den tamallet hepken pa oa bet betek 150 en ti-gar gwezhioù zo. Tri anê zo anavezet evit bezañ perzh er stroll Breizhistañs, hag unan en Nuit Debout Lannuon.Disadorn 'oa manifestadeg e Gwengamp da souten ar pevar den-mañ, hag o stourm. Gant un toullad mat a sindikadoù int harpet. Gael Roblin zo unan deus ar pevar zamallad, lâret 'ra deomp e santimant da-heul ar vanifestadeg. Gant Tudual Karluer.