N'eo ket demokatel ar sistem da baeroniñ ar re fell dezho bout war ar renk da geñver an dilennadegoù prezidant Republik. Setu 'pezh 'oa lakaet war wel dec'h beure 'ba Pariz gant 6 danvez prezidant pe o dileuridi : Kristian Troadeg, Charlotte Marchandise (laprimaire.org), Pierre Larrutourou (Nouvelle Donne), Philippe Poutou (NPA), Alexandre Jardin (Bleu Blanc Zebre) hag Oscar Temaru (dizalc'hour eus Polynezia). Ar bloaz 'mañ 'vefe diaesoc'h 'vit an dilennadegoù tremenet. Ret eo kavout 500 dilennad prest da reiñ e sinadur, eus 30 departamant dishenvel ha n'haller kaout muioc'h 'vit 50 sinadur dre departamant. Kristian Troadeg 'neus tapet kaout 251 promesa. Met ar bloaz 'mañ eo cheñchet ar reolenn. Selaouomp Andre Lavanant a souten Kristian Troadeg.