Gwez-sapin get "Les brancardiers d'Arvor"
Setu prantad Nedeleg é tostaat.
E passabl a dier e vo staliet ur wezenn-sapin hag a vo kinklet. Bep blez, d'an termen-mañ ag ar blez e vez gwerzhet gwez sapin get ar gevredigezh « Les brancardiers d'Arvor » er Morbihan. Ar pal eo dastum argant da lakaat ar re klañv pe an dud kozh da vonet d'ober ur perhined. E Lourdes d'ar liesañ pe tostoc'h doc'homp e Santez Anna Gwened. Odile ha Joachim a zo perzh ba « Les brancardiers d'Arvor », reiñ a reont un taol-sekour evit gwerzhiñ ar gwez-sapin e Pondi. Selaouamp doc'hte doc'h mikro Yaelle ar Mouel.
