Frankiz 'vo c'hoariet 'vit ar wech diwezhañ 'benn disadorn 'ba Poulann
A-benn disadorn da noz e vo displeget ar pezh-c'hoari Frankiz e Poullann e Bro Douarnenez. Evit troiad diwezhañ ar pezh en eus fellet da Strollad ar Vro Bagan kemer harp ouzh ur strollad all a zo staliet er vro, La Obra.
Deomp da c'houzout pelloc'h diwar-benn ar pezh-c'hoari gant Goulc'han Kervella, bet skrivet ar pezh gantañ. Emañ ouzh mikro Katell Uguen. Frankiz, pezh-c'hoari Strollad ar Vro Bagan a vo displeget disadorn da noz e Poulann, e sal ar gouelioù da 8e30.
