Ur strollad jazz modern ha kejaj-kenel ew ar Portico Quartet, é toned a Greisteiz Londres. Krouet oa bet e 2005, ha dàet dehe ar soñj da soniñ, goude boud bet prenet un hang, un instrumant newez-savet ged un den a Suiss. Anwet int Jack Wyllie (sakso), Duncan Bellamy (perku), Milo Fitzpatrick (kitar boud doubl) ha Keir Vine (hang ha perku). Ba'n jazz a-vremañ ha ba'r musik a Afrik e kavamp levesoniow ar strollad, mes é klask an treant ged o benweg e lakaant da soñjal iwe ba Philip Glass pe Steve Reich, Sigur Ros pe an trio a Sued E.S.T. Sinet o deus ged label lohus Peter Gabriel, RealWorld. O srede albom ew e 2012, ha seblantiñ a rant 'n em bellad a-zoh an jazz klassel, ewid 'n em staliiñ da vad ba'n aergerliow minimalist, na boud o deus savet toniow popoh, èl "Steepless", ged ar ganeres Cornelia hag he mouezh-bugel. Setu tud hag o deus kavet an hent a-fesson ewid lakaad ar soniow jazz da voud degemeret ged toud an dud, kar ledannoh ew o stil, anad ew barzh o disk, lan a hunvreow iskis, a wiskadow kuzhet hag a wagennow estren. CLAUDE NOUGARO "À bout de souffle" in Claude Nougaro (1966 . Philips) > Lehienn ofissiel MALIA feat. ERIK TRUFFAZ "Yellow duffodils" in Yellow daffodils (2002 . Epic) MALIA "My baby just cares for me" in Black orchid (2012 . Universal) > Lehienn ofissiel ANDRÉ MANOUKIAN "Kele kele" in Melanchology (2011 . Universal) > Lehienn ofissiel PORTICO QUARTET "Ruins" in Portico Quartet (2011 . RealWorld) > Lehienn ofissiel ROLAND BECKER "La gavotte, le jazz et la java" in Monsieur Kerbec et ses Belouses (2004 . Oyoun Muzik) > Lehienn ofissiel