Digwener baseet, diwar goulenn prefed Penn ar Bed e oa bodet kazi holl vaered an departamant e Kemper a-benn eskemm war ar stad a zifrae a zo staliet bremañ dibaoe gwall-daolioù Pariz d'an 13 a viz Du. E-pad div eurvezh o deus gellet dilennidi a 283 kumun kaout ha goulenn titouroù digant ar prefed, Jean-Luc Videlaine met ivez digant ar jañdarmiri pe ar valtouterien. Ne 'oa ket aotreet ar gazetennerien da heuliañ an emvod met gellet he deus Katell Uguen dastum soñj daou zilennad. Selaouomp neuze Dominique Cap, maer Plougastell ha prezidant maered Penn ar Bed. Klevet 'vo ivez Yannig Robin, maer Plougerne.